Bëschgruppen fir Kanner & Wildnisatelieren fir Jonker
Zesummen erliewe mir de Bësch an d’Natur bei all Wieder an am Rhythmus vun de Joreszäiten. D’Natur ronderëm de Frombuerger Haff bidd eng grouss Vilfalt un Themen. An de Bëschgruppe (2-10 Joer) gëtt gespillt, gefuerscht, geklotert, entdeckt, ausprobéiert, gelaacht, gerascht, gerolzt, gebaut, ...
D’Kanner dierfen sech an dat verdéiwe wat dee Moment spannend fir si ass. Si kréien all Woch en Atelier virgeschloen. Et steet de Kanner fräi dëse Virschlag unzehuelen oder awer hiren eegen Iddien nozegoen.
An de Wildnisatelieren fir déi 7-14 jähreg gëtt Wëssen iwwert d'Liewen mat an an der Natur vermëttelt. Dëst geschidd ënnert aanerem beim Schnitzen, handwierklechem Schaffen, Nature journaling, Kachen mat Wëllkräider, Spiller an nach villem méi.
D’Natur ronderëm de Fromburger Haff ass dobäi eis Kuliss, befligelt eis Fantasie a reegt eis Sënner un. D’Zesummesinn erméiglecht de Kanner Kooperatioun, sozial Kompetenzen a Kommunikatioun ze entwéckelen a léisst Frëndschaften, Verantwortung a Verbonnenheet entstoen.
D’Kanner- a Jugendgruppe fannen bei all Wieder statt (ausser Stuerm a Wiederen). D'Sprooch an de Kannergruppen ass lëtzebuergesch.
​
FREIJOER/SUMMER 2023/24
Momentan fanne folgend Bëschgruppen fir Kanner a Wildnisatelieren fir Jonker statt:
-
Wiichtelen, 2-4 Joer, mat hieren (Grouss-) Elteren: Mëttwochs 9.30-11.00 Auer, 1x/Woch an der Schoulzäit (ausgebucht)
-
Zwergen, 3-5 Joer, mat hieren (Grouss-) Elteren: Samschdes 9.00-10.30 Auer, 8x/Joer: 23.9./11.11./9.12.2023/20.1./24.2./23.3./4.5./22.6.2024 (ausgebucht)
-
Kobolden, 5-10 Joer: Donneschdes 14.30-16.30 Auer, 1x/Woch an der Schoulzäit (ausgebucht)
-
Risen, 7-14 Joer, Samschdes 11.15-15.15 Auer, 8x/Joer: 23.9./11.11./9.12.2023/20.1./24.2./23.3./4.5./22.6.2024 (ausgebucht)
​
​
Vakanzatelieren fir Kanner & Familljen
An de Schoulvakanze fanne reegelméisseg Vakanzenaktivitéite statt, dëst ënnert dem Motto: Dobausse sinn – Frënn fannen – Abenteuer erliewen. Hei de Programm fir 2024
​
Donneschdeg, 4. Abrëll 2024, 10.00-12.00
E Fréijoersmoien am Bësch
D’Villercher zwitscheren an déi éischt Blumme bléien am Bësch. Haut genéisse mir de Fréijoersmoien am Bësch. Mir schlüpfen an d’Roll vun de Villercher, probéiere selwer en Nascht ze bauen a fiddere bei engem Spill eise Villerchersnowues. Natierlech bleift genuch Zäit fir fräi ze spillen an de Bësch ze genéissen. A wann et kal ass, da wierme mir eis mat engem Schocki.
Fir Kanner vun 3-6 Joer, begleet vun engem Erwuessenen, 30€/Koppel (ausgebucht)
Donneschdeg, 4. Abrëll 2024, 14.00-17.30
Mir bauen eis e Bou
Haut baue mir eis e Bou aus Hieselterruten: Wéi erkennen ech den Hieselter? Wéi deck muss mäin Aascht si fir dass de Bou sech béit? Wéi benotzen ech Schaffgeschier fir mech net ze verletzen? Op wéi enger Säit muss ech eng Kierb schnëtzen? Froen iwwert Froen ob déi mir haut eng Äntwert sichen. En handwierklechen Nomëtteg an der Gewan an am Bësch.
Fir Kanner vu 7-12 Joer, ouni Begleedung, 35€/Kand (ausgebucht)
​
Donneschdeg, 30. Mee 2024, 10.00-12.00
De verwonschenen Hielenner
De geheimnisvollen Hielenner: et gëtt gesot, dass säin Holz dat bescht ass fir en Zauberstaf ze maachen. Anscheinend wunnt am Hielenner och den Hausgeescht, deen op d’Haus a seng Bewunner oppasst. Haut steet op jidder Fall dëse wonnerbare Strauch am Mëttelpunkt. Genuch Zäit fir am Bësch ze spille bleift natierlech och.
Fir Kanner vun 3-6 Joer, begleet vun engem Erwuessenen, 30€/Koppel
Donneschdeg, 30. Mee 2024, 14.00-17.30
Schnëtzatelier
Schnëtze mécht Spaass. Mir léieren déi wichtegst Schnëtzregelen an de richtegen Ëmgang mam Schnëtzmesser fir eis net ze verletzen. Wéi eng Holzarten eegnen sech fir ze schnëtzen? Et ass genuch Zäit fir Zwergen, Ketten, Schlësselunhänger an aner Fantasiefiguren ze schnëtzen. Wien midd vum schnëtzen ass, rascht an der Hängematt. Duerno maache mir Popcorn um Feier a schléissen den Nomëtteg gemittlech ronderëm d’Feier of.
Fir Kanner mat an ouni Schnëtzerfarung, 7-12 Joer, ouni Begleedung, 35€/Kand
Mëttwoch 21. August 2024, 10.00-12.00
Summer am Bësch
E waarme Summermoien am Bësch. Oder ieren en naassen? Mir wëssen et net, mee mir genéissen Zäit ze hu fir ze entdecken, ze spillen an ze entspanen. Als Ofschloss gëtt eng Geschicht gelies.
Fir Kanner vun 3-6 Joer, begleet vun engem Erwuessenen, 30€/Koppel
Donneschdeg 22. August & Freideg 23. August 2024, jeeweils 9.30-16.00 Auer
Wildniscamp am Bësch
Zwee Deeg an der Vakanz am Bësch. Spille, schläichen, lauschteren, handwierken, raschten, zäitlos sinn. Sou wéi e Vakanzendaag am Summer soll sinn. Mëttes picknicke mir zesummen. Knaschteg, midd a glécklech gi mir am Nomëtteg heem an dat flottst ass: den nächsten Dag komme mir erëm!
Fir Kanner vu 7-12 Joer, ouni Begleedung, 120€/Kand fir déi zwee Deeg
​
Donneschdeg 29. August 2024, 14.00-18.00 Auer
De klengen 1x1 vum Iwwerliewen an der Natur
Du wollts schonn ëmmer emol wësse wéi een een oder e puer Deeg an der Natur ouni vill Hëllefsmëttel iwwerlieft? Wat seng deng Grondbedierfnisser? Wat solls du onbedéngt derbäi hunn? Wourop solls du oppassen? Woufir notz du deng Energie a wat ass iwwerflësseg? Wou schléifs du? Alles dat an nach e bëssche méi steet wärend dësem interessanten Nomëtteg um Programm.
Fir Famillje mat Kanner vu 6-12 Joer, 40€/Erwuessenen, 30€/Kand
Dobausse feieren
Gebuertsdag an aner Geleeënheeten emol anescht feieren: Erlieft e spannenden an erliefnisräichen Nomëtteg mat Famill a Frënn zesummen dobaussen!
​
240€ pro Grupp fir dräi Stonnen (fir 10 Persounen).
​
All Kannergebuerstdag gëtt individuell geplangt. Folgend Themen stinn zur Auswiel :
​
Outdoor Abenteuer (ab 7 Joer)
Hütte bauen, schnitzen, Kurelbunne bauen… - dat mécht Spaass! Duerch spannend Aktiounen an abenteuerlech Spiller am Bësch hutt dir d’Geleeënheet iech richteg auszepoweren an eng erliefnisräich Zäit mat äre Frënn ze verbréngen.
​
Survival (ab 9 Joer)
Du wolls schonn ëmmer emol wësse wéi een een oder e puer Deeg an der Natur ouni vill Hëllefsmëttel liewe kinnt? Wat sinn deng Grondbedierfnisser? Wat solls du derbäi hunn? Wou schléifs du? Op dësem interessanten Nomëtteg kriss du an deng Frënn en éischten Ableck an dëst interessant Thema an dir kënnt villes selwer ausprobéieren.
​
Konscht & Natur (ab 5 Joer)
Äscht, Blieder, Eechelen, Zapfen, Käschten, Steng, Buedem… D’Natur bitt eng riseg Vilfalt u Materialie mat ënnerschiddleche Formen, Faarwen, Gréissten an Texturen. Vu Mandala leeën iwwer Biller wiewe bis zu Bamgesiichter zauberen, der Fantasie si keng Grenze gesat. Mir sammele Material fir d’Konschtwierker, verdéiwen eis an eis Projeten a staunen duerno wat alles zu stan komm ass.
​
Spillmëtteg am Bësch ( 4 -6 Joer)
Fir déi Jengsten ass de Bësch eng grouss Spillplatz. Zesumme mat hiere Frënn kënnen si dësen Dag de Bësch entdecken, buddelen, Insekten sichen, gemittlech an der Hängematt leien an nach villes méi. De gréissten Deel vum Nomëtteg steet fir d'Fräispill zur Verfügung, ganz einfach well et dat ass wat d'Kanner am meeschten an deem Alter froen a brauchen. Am Bësch si fest Atelieren installéiert déi si fräi benotzen dierfen.
​
Wonnerwelt Bësch (ab 5 Joer)
Wien huet dann do um Bam geknabbert? A wiem säi Foussofdrock ass dat do am Bulli? Wéi vill Insekte liewen op engem Quadratmeter Bëschbuedem? A firwat wuessen am Bësch sou wéineg Blummen? Froen iwwer Froen iwwert de spannende Liewensraum Bësch. Mir maachen eis mat oppenen Aen a gespëtzten Oueren, Lupp a Spektiv op de Wee.
Natur- a Wildnisatelieren fir Gruppen op Ufro
Naturzäit schafft iech deen Atelier aus deen Dir iech wënscht, fir är Schoulklass, Maison relais, Veräin an all anere Grupp! Vu Feier maachen an Hütte bauen iwwert schnitzen, Geschichten erzielen, Konscht am Bësch bis zu Sënneserfahrungen an nach villes méi. Fir Jonk a manner Jonk, e puer Stonnen oder de ganzen Dag, mat Picknick oder Kachen um Feier.
Bei Interessi mëllt iech per Telefon oder iwwert de Formular.
Fir déi Grouss
​Zur Rou kommen, d'Naturschätz virun eiser Hausdier entdecken, kennen a schätze léieren, einfach nëmme frësch Loft schnapen a léiwer Gesellschaft an an an... Grënn fir sech Zäit fir sech selwer ze huelen, dobaussen, am Bësch, ginn et der vill. Naturzäit begleet iech mat Freed dobäi.
​
Keng geplangten Atelieren demnächst. Nei Datumer op dëser Plaz oder direkt per Newsletter an ärer Emailboite.
​