Fir Erwuessener: Feierowend am Bësch

Eng Paus matzen an der Woch: Zesumme gi mir an de Bësch a loossen den Alldag fir e Moment hannert eis. Kee Stress, keen Drock, keng Leeschtung. Moos fillen, Bëschbuedem spieren, Vullen nolauschteren. Zwou Stonnen Entspanung andeems du der Natur an dengem Kierper nolauschters. Unhand vu verschiddenen Übunge schäerfs du deng Sënner, kënns zur Rou, kriss de Kapp fräi a fënns nei Energie.

Donneschdeg 19. Juni 2025., 18h00-20h00, Grolënster, ab 18 Joer, 20€/Persoun

 

​

Naturhandwierk (NEIEN DATUM & AUERÄIT)

Schnitzen gëtt och nach Meditatioun vun den Hänn genannt. D’Hänn schaffen, de Geescht kënnt zur Rou an dat alles an engem schéinen Naturkader. Nieft dem Schnitzen notzen mir d’Faarf vum Nëssert fir eis perséinlech Kierf aus Stofft ze gestalten a du léiers wéi’s du aus der Brennnessel e Bracelet kanns dréinen.

Samschdeg 28. Juni 2025., 9h00-12h30, Frombuerger Haff, ab 18 Joer an ab 12 Joer a Begleedung vun engem Erwuessenen. 40€/Persoun​

​

​

Fir Familljen: Spillmoien am Bësch

Haut de Moien treffe mir eis am Bësch fir ze spillen. Keng Virgaben, einfach sinn. De Bësch als Spillplaz, zousätzlech eng Bicherkëscht fir ze schmökeren, eng Hängematt fir ze raschten, e puer Luppen fir op Expeditioun ze goen an eng Bëschkichen fir Bulliszopp. Mir schléissen de Moie mat enger Geschicht of. En herrlech entspaante Moie fir déi ganz Famill.

Samschdeg 19. Juli 2025, 10h00-12h00, Frombuerger Haff, fir Familljen mat Kanner vu 3-7 Joer. Méi jonk Geséchter si wëllkomm, 30€/Koppel.

 

​

Fir Kanner: E wëllen Nomëtteg am Bësch

En typeschen Naturzäit-Vakanzennomëtteg: spillen, wierkelen, raschten, entdecken, sech verstoppen, zesumme picknicken. En Nomëtteg ugepasst un d’Wieder, den Alter an d’Interessie vun de Kanner.

Dënschdeg 5. August 2025, 14h00-18h00, Frombuerger Haff, fir Kanner vu 7-12 Joer ouni Begleedung, 40€/Persoun.

 

​

Fir Familljen: De klengen 1x1 vum (Iwwer)liewen an der Natur

Du wollts schonn ëmmer emol wësse wéi een een oder e puer Deeg an der Natur ouni vill Hëllefsmëttel (iwwer)lieft? Wat seng deng Grondbedierfnisser? Wat solls du onbedéngt derbäi hunn? Wourop solls du oppassen? Woufir notz du deng Energie a wat ass iwwerflësseg? Wou schléifs du? Alles dat an nach e bëssche méi steet wärend dësem interessanten Nomëtteg um Programm.

Donneschdeg 7. August 2025, 14h00-18h00, Frombuerger Haff, fir Familljen mat Kanner vu 6-12 Joer, 60€/Koppel.

 

 

Fir Kanner: Wildniscamp

Zwee Deeg an der Vakanz am Bësch. Spille, schläichen, lauschteren, handwierken, raschten, zäitlos sinn. Sou wéi e Vakanzendaag am Summer soll sinn. Mëttes picknicke mir zesummen. Knaschteg, midd a glécklech gi mir am Nomëtteg heem an dat flottst ass: den nächsten Dag komme mir erëm!

Méindeg 11. August - Dënschdeg 12. August 2025, 9h30-16h00, Frombuerger Haff, fir Kanner vu 7-12 Joer ouni Begleedung, 130€/Persoun.

 

​​